أنا من أجل واحد
تجنبت العرب وبقيت وحدي
وحبيت التباعد
ولافكرت قط وايش عاد بعدي
عطيته قسم زايد
وغيره يقبل الزايد إذا زاد
تقابلنا وواعد
وأوعد باللقا ووفى بوعدي
وصافحنا وعاهد
على كلمة ونا جددت عهدي
وكان الله شاهد
وغير الله ما حد ناس شهّاد
محيّق له وناجد
ونفرح من قداه إن هب نجدي
وَمَلقي له عوايد
ونستبشر إذا شفته معدّى
وحكمه حكم نافد
وحكم الغير ماله عندي انفاد
بغيته للشدايد
إذا حان السفر ورفعت شدى
بغيته لي مساعد
إذا غربت عَلَيْ أيام سعدي
وعاندنا المعاند
وكم قاسيت من تعذيب وعناد