عاده صغير يربونه

اللي هويته أسر قلبي

له سحر مسكوب في عيونه

عاده صُغيرّ يربونه

كوى فؤادي وسمسمني

بنار في الجوف مرشونه

عاده صغيرّ يربونه

لا غاب عني يعذبني

ماقدرت انا عـيش من دونه

عاده صغيرّ يربونه

سلّمت له كل ما أملك

ذا حظّ لا شى تحسدونه

عاده صغيرّ يربونه

لما أحب هكذا طبعي

وأعرف من الحب مضمونه

عاده صغيرّ يربونه

ذاكر ليالي قضيناها

ماقد خطر إنني أخونه

عاده صغيرّ يربونه

شَعْني أنا منتظر وصلك

قاعد على نار مرشونه

عاده صغيرّ يربونه

بانلتقي ياهلي ساعه

من عمرنا غير محسوبه

عاده صغير يربونه

بلقي فرح لا تقابلنا

بايعجزوا لي يوصفونه

عاده صغيرّ يربونه

مَلِيْ وبعدين إفهمني

شعني كما ذي يفطمونه

عاده صغيرّ يربونه