ياحريري ولا سي
بدّلونا بديلك كان ملبوس بالي
يبغوا الطان أحسن لكن الأحسن اللاس
وين تبري وماسي
وين درّي مع الياقوت وين اللآلي
ما من العدل يطهم تبري الزين والماس
ماكن اليوم ساسي
قد بنيته وقويته أنا من حلالي
كيف نسمح لحد بعد البنا يهدم الساس
كم علي كم أقـاسي
من حبيبي تغلّى صار حاظي وغالي
ما وزن لي بميزان العدالة ولا قاس
لو يقع لي قياسي
باعمد الشعب باشرب من كَرَعْ زين حالي
بانُسُمْ لي وبا حافظ على دومة الراس
بات سهران حاسي
ما غَمَض جَفْن لي سهران طول الليالي
ما سميري خلاف النجم بيت معي حاس
يا أهل ودّي وناسي
شي معاكم إجابه قاطعة عن سؤالي
بددوا حيرتي نا الا بشر مثلما الناس