كنّك على الناس ياعامر
خلّيتهم في اسى وانين
قد كنت عا سعدهم قادر
والعيف قادر تردّه زين
لكن خساره خِلَفْت الظن ماسبتنا بالامل نهنا
قد كنت لي ناهيا آمر
اتبعك حتـى عـلى الغلطـات
مايوم سرّيت لي خاطر
قاسيت منّك كذا هفوات
دار يت ظنيت باتصلح باترحم الواله المضنى
فرصة معك تكسر الـساتر
ولعاد شي بينا مستور
لاهي على البال والخاطر
والشمس شرقت وزاد النور
واحباب قلبك رموا الشدّة فسحوا في البير والمسنا
شلّ الجمالة علي جابر
جابك معه صرت له متبوع
خلاك جسالس عـلى الكـاسر
ثوبك تبلّل صبح منقوع
كسر جناحك وطيّر بك وِرْمَاك الى خارج المبنا
ورْمَى شطارتك يالشاطر
شف كل شي بيننا مفتوح
قُلْ حُوْل لادَهم الماطر
سَقّي جروبـك وطا وسفوح
واللي مضى راح مايرجع وانت افتكر وافهم المعنى