وشكم بعد غيبتكم
ياحلان في الغيضه
وصفوا الناس طيبتكم
واياديكم البيضا
قالوا كل شي عندكم زين
قالوا في ثراكم دواء العين
وانا محروم حتى من الشوف
وِدّي نلتقي معكم
لا رَبْشه ولا فوضى
بداوة عاسجيتكم
عرب ما نعرف الموضه
ولكنّ الفُرَصْ مايِسَنْحِيْن
واحوال الـزمن ما يتمـين
لقن في وسط ظهر الجمل سوف
تلقي زرع جربتكم
طمت عالحرث والروضه
ونا قسمي بذمتكم
رموالي قسم في غوضه
ولو تبغون في القرض ميتين
انا مابـاه قرضه ولا ديـن
ثقوا واستامنوا ليش ذا الخوف
اذا طابت مواردكم
وكلين امتلا حوضه
وصل كم من حصان اشكم
حكم مولاه ترويضه
اذا ادبر سبق أم جنحين
وان اقبل انا مادري وين
تِحِيْر العقل قامته والقوف
تشوقنا لرؤيتكم
وزاد الراس من هيضه
اذا فاتت زيارتكم
لنا في ذكركم عيضه
عسى من بعد ذا الـصد والبين
يقرِّب رّبنا بيننا البين
ويطفي كير مرشون في الجوف