سكبت العـسل داخل قروفـك
وغنيت لك باحلى القوافي
شفق بي وخل عيني تشوفك
وقربك دواء للقلب شافي
انا أفدي الهدب لي في دفوفك
وأعيان فيها سحر دافي
وأهنا إذا ذكروا وصوفك
وجوّي يروق ايصير صافي
تفضل وضم داخل كفوفك
كفوفي ورق يا زين وافي
وإن عائقت كتفي كتوفك
تمام الهنى هذا وكافي
في القلب مطبوعه حروفك
ولجلك دحقت النار حافي
ولا باشتكي حدة سيوفك
لأن الهوى حل في شغافي
وباصبر وباقدر ظروفك
وباعطيك مهله وقت إضافي
ولا بأس باتحمل شفوفك
أحبك وهذا إعترافي