صباح الخير من بدري
أمانه شلّها ياطير
وصحّي اللي نوى هجري
وقول له ياصباح الخير
ومن همي وآهاتي
تبلّغ له تحياتي
وأشواقي إليه ياطير
وقول له ياصباح الخير
وروح ياطير بلّغ للحبيب
رسالة حب باقي من سنين
كتبها القلب من دمعي الـصبيب
ومن حزني وشوقي والحنـين
واشرح له سبب سقمي
واوصف له ضنا جسمي
ولاتنسى تزيد ياطير
تقول له ياصباح الخير
برود الصبح ذكرني
بلقيا هاجرى ياطير
ومن ياطير يسمعني
اذا جيت اشتكي للغير
كتمت الشكوى في صدري
ولما فاض بي صبري
توسلتك تروح ياطير
تقول له ياصباح الخير
وهات ياطير من خـلي جواب
يخفف بعض مابي من شجون
ويكفي حر نار الالتهاب
وما قاسيت من سِبّه يهون
وقول لي كيف احواله
ومن غيري على باله
وبالرجعة تزيد ياطير
تقول له ياصباح الخير