وين صندوق الكتب والطوابع
عندي رسالة بدم القلب مطبوعه
قلت للمحبوب فيها وقايع
وشرحت له كيف كان الحب ووقوعه
والمجالس والمجامع
بين هاتيك المرابع
أيا ما كانت الأحباب مجموعه
اللي بغى نفسه علينا مقاطع
حتى الكتب والرسائل منه مقطوعه
اشترانا أمس وامسى يبايع
والحب ماهو بضاعة سوق مبيوعه
قاتل الله المطامع
والمصالح والمنافع
تنسب إلى الحب أشيا غير مشروعه
راجعوه أن كان عاده تراجع
وان شي غلط بيننا الغلطـات مرجوعه
خبروه ايش السبب والدوافع
نفسه إلى الصد والهجران مدفوعــه
ما معي له أي شافع
غير شوقي والمدامع
أسبلتها قبل يسيل خِلّي ادموعه
كم بلغني فيه من هرج لاذع
منه الحشا ملتهب والكبد ملذوعه
بس أنا ملقي عطب في المـسامع
وكلمة الناس عندي غير مسموعه
آه من هرج الشوارع
مايجيب الاا لشناكع
هذي شروعي وهو ما يجهل اشروعه