على رغم الـذي قـال
مابا تلتقون التقينا
وسيل الود قد سال
وشربنا كَرَعْ وارتوينا
وصفينا القلوب.. وطفينا اللهوب
وهو خله بنار الحقد قلبه يصطلي
ولا حد مننا مال
عن عهده ولا عـاب فينا
طرحنا العز دسمال
فوق الـراس والحب دينا
ولي مابا يتوب.. يتحمل ذنوب
ولا باتنفعه توبة ودعوة من ولي
وكم في الحب عذال
نقبل منهم ما يجينا
وكم نتحمل احمال
جارت في المحبــة علينا
ونطلع في شعوب.. ونخرج من سهوب
وندخل وادي الرحمن والوادي خلي
بذلنا الحال والمال
واللي نملكه في يدينا
لنافي الحب آمال
منها لو أخذنا عطينا
ونبقى دوب دوب.. على موعد قطوب
ولي يخلف نهار الوعد ماهو بو علي
ومن له حظ واقبال
لا تَوّه رسا فوق مينا
وعبريته في الحال
عادوا بالسلامة إلينا
وهب ريح الجنوب.. لهم بأحسن هبوب
عناية خلت التالي يعود الأولى