شلو الحجاب

الحزنْ في قلبي.. بْدَمي مَكْتُوبْ

طَوَّفْتْ بلادي ما لقيتْ مَحْبوبْ

فَصِحْتْ مِنْ قلبي:ياغـارةَ اللهْ

قلبي تِعبْ مِنْ رُؤْيَةَ الشَّيادرْ

مثلَ الغُرابْ يَنْعِقْ على المقابرْ

أينَ الذي شُسَلِّيَ الخواطِرْ

شِكْشِفْ حِجابْ شِنْزِلْ عَ/ قلبى مَاطرْ

شِطَلُبْ إلى قلبي ما شَرّعَ اللهْ

كيفْ تَصْطَبِرْ يا قَلْبْ عـلى عَذابكْ

على الحِجابْ يفنى ربيعْ شَبابكْ

خَلِّيكْ صَريحْ يا قلب في عتابكْ

واشكي إلى المحبوبْ حُرقَةْ مُصابكْ

فـإن سَمعْ وِالاّ فاشْكِي إلى اللهْ

الحزْنْ في قلبي.. بِدمِّي مَكتُوبْ

طوَّفتْ بلادي ما لِقيتْ محبوبْ

فَصِحْتْ مِن قلبي .. يا غارةَ اللهْ

ما كُنْتْ بالمحبوبْ و لا الجــدَادي

لّما صَرخْتْ فيكنّ مِنْ فؤادي

شلّوا الحِجابْ... أيَا بناتْ بلادي

خلوا الغرامْ يزهِرْ بكل وادي

حتَى نرى فِيْكِنَّ ما أبدَعَ الله

ما قَدْ كفرْتْ بالله ولاَ بديني

لّما طلبْتْ مِنِّكْ تُقَابليني

شاكلّمك وانْتِ شَتَسْمَعيني

وَأسْمِعِكْ لحنِي يا نورَ عيني

وأطلبْ يَدِكْ بالحبْ وسُنَّة اللهْ

الحُزنْ في قلبْي.. بدَمِّي مَكتُوبْ

طوَّفْتْ بلادي ما لقيتْ مَحبُوبْ

فصحتْ من قلبي .. يا غارة اللهْ