شاخفي دموعي وشاشربهن ثلاث واربع
واصبر لهجرك وشارضى بالعـذاب وأخـضع
واكتم شجوني وشاتحمل وشاتوجع
مادام لي قلب عندك ما رضي يقنع
قال المثل من عشق يا فاتني يصبر
وانا تحملت هجرانك وذقت المر
عاد الذي بيننا يا هاجري تذكر
وعاد لك قلب يخشع أو عيون تدمع
عندك دوايا وللمه بالدواء تبخل
وكيف تسخى وتنسى حبك الأول
كيف اعملك ما أسوِّي ما العمل ما الحل
قلبك نسيني وقلبي في الهوى مولع
إن قلت شانسى غرامك ردني ودي
وان قلت شاهوى بديلك رَدَّني عهدي
وأنت طابت لك الأيام من بعدي
وما بقى لي بقلبك يا حبيب موضع