سمعت الشوق ينـاديني
بهمسة حب صحتني
وحسيت عمر من ثاني
وقلب جديـد يكلمني
يقلّي الحب ماينساك
وكيف ينساك ودوبه وراك
وأول حب مابايعيش
وآخر حب مابا يجيش
ذا كله حبك.. وانت الحب
وغير الحب في، مافيش
سمعت الشوق من الهاتف
وكنت اتمنى لو شفتك
عشان إيش، والله مش عارف
يجوز في يوم قابلتك
واشتي أقول ونا خايف
عرفتك.. كيف، من صوتك
وأذكر إسم مش إسمك
يكون مظلوم من حكمك
واسمك مهما كان إسمك
جميل أجمل من الفرحة
وليلة حلوة أتمنى أنام فيها ولا أصحى
ياروح الحب لا تشليش
عليَّ حب لأجله أعيش
ذا كله حبك .. وانت الحب
وغير الحب في، مافيش
يا أجمل صوت ناداني بهمسة حب وصحّاني
وخلا قلبي لك مشتاق، مشتاق اسمعك ثاني
نعم بكره ولو مره
على فعره
معي كلمة تقلّي قول و لا تخبيش
أنا باقول ومش معقول أخبيها
وصوتك هو اللي خلاني أعيش فيها
ياروح الحب لا تشليش
عليّ حب لأجله أعيش
ذا كله حبك ... وانت الحب
وغير الحب في، مافيش