سفينة اهل الحب ضلت سيرها تمشي خطأ
شوفوا لها صرفه وردوها على المجرى سوى
الريح لكلكها وقلّ العرف في مجرى وديره
واللي ركبها عفش مايندار
كلما دهفناها الى قدام رجعت للورا
كلّه من الربان عاده عا الـصليبه ما دكا
مادريت منه ذل او منه بصيره
او قل عنده السمع والابصار
ركابها تعبوا وملاحينها ركبوا الهوى
ذا يدعي الاصلاح والثاني يقول عنـدي الـدواء
وضاعت الاحلام في زخم المسيرة
وبقيت انا سائر مع من سار
لكنني لي قلب مايرضى بوضعه في الــوطى
في الحب له صولات تعرفها الخرائد والظبا
مشهود له بالصدق بين الناس في حبه وبالغيره
وعنيف رد الفعل لاقد غار
الليه تهميشي وانا لازلت قادر على العطا
احمل هموم العشق عاكتفي ونيشان الهوى
وصحائفي بيضاء وتروي قصة الحب الكبـيره
في عز في اجلال في اكبار
والله مااتركها لموج البحر وهبوب الهوا
مادمت لي ساقين تحملنا ولي عينـين في الظلمة ترى
باصري بها في ليل أو في صبح او هجر الهجـيره
باحط عليها البار فوق البار