زايد وقاصر شوف ما صكّت معي
وحسبتك ذي عطّلت كل الحساب
واليوم أنا قفّلت بوكي ذي معي
من بعد ما شفتك تغالط في الحساب
قد كنت اشوفك يامغـالط تـدّعي
أن الوفاء عندك مسجّل في الكتاب
لكن كشفتك بعد ما طشّت عـلي
الأوّله والتاليه من كلّ باب
ضـيّعت لي وقتـي وشلّيت ذي معي
خليتنا دايم نصكصك عالبواب
ماهو سواء منّك تقصرّها معي
يا خسّ صاحب في حبيبه اليـوم عاب
ان كان شرعك قد قصر ذا بـس معي
باسامحك حتى ولو يوم الحساب
وأن كان اصلك خام عـادك مـاتعي
شوف الزمن عياب ومن عاب أستعاب