لحكم الغـرام
سلمت روحي وقلبي هديه
وظلمي حرام
منعت الكـلام
حرمت أهلي ومن كـان ليه
وكم يا خصام
حييبي حرام
يا ما تحمّلت كم من بليه
ولا لي كـلام
فعلتك وسام
جاكرت بك كل هذي البريه
صقلت الملام
فعلتك إمام
مظلوم من غير عندي خطيه
وحكمـك تمام
رشيق القوام
أفديك أفـدي الخـدود النديه
كفايه خصام
بحق السهام
ذي صابت القلب من غير نيّه
ودقت عظام
بحق المدام
ذي في شفاتك تداوي البليه
كفاني هيام
بحق الحسام
في مفرقك ذي قصمني سويه
حياتي ظلام
ببدر الـتمام
يا ليت تطلع جبينك عشيه
تداوي الـسقام
كفايه انتقام
مالا قد الحب يـصبح خطيه
كفايه انتقام
كفايه حرام
بالله تشفي الجروح العـصيّه
وتحيي العظام
أنا لـك حسام
دايم بيدّك لكـم من عجيه
وكم من صدام
وحبك لجام
فاعل على الروح رتبه قويه
بعسكر نظام
عليك السلام
ما ذرفت العين دمعه وفيه
عليـك الـسلام