ربي يصونه من العدوان

جاهِلْ بقلبي لِعِبْ لِعْبهْ

مَنْهوب مَتْعوب مِنْ سِبِّه

حِبِّهْ أنا والنَّبي حِبِّهْ

وَلْهان في عَشْقَتِهْ ولهان

ربّي يصونُهْ من العدوان

عيونُهُ السُّود قتّاله

مَالَكْ وللرِّيم وأهواله

ذا ما في الناس أمثاله

سـبحان من صوَّرِهْ سبحان

ربّي يصونُهْ من العدوان

ساجي الَّرنى دُرّيَ المبسمْ

يِجَلِّيَ الهمّ لا اتْبسَّمْ

مَحْلى كلامُهْ إذا تْكَلَّمْ

يُخرجْ كلامُهْ على ميزان

ربّي يصونُهْ من العدوان

جاهِلْ هَلِي خَلْقَتُهْ وحده

لازِيْن قَبْلُهْ ولا بعده

الورد فاتِشْ عــلى خدّه

واللِّيم في صدره البستان

ربّي يصونُهْ من العدوان

أنا من القلب حبيّتُهْ

وفوق ذا الرأس حطّيتُهْ

وداخل العين خبيّتُهْ

مايحْقِيَ الكحـل في الاعيـان

ربّي يصونُهْ من العدوان

ماهمّنى لُوم حُسّادي

لاهِمَّ خافي ولا بادي

ومايقولوه بي عادي

يهمّنِي إلا غصين البان

ربّي يصونُهْ من العدوان

يهمَّني ذي سَلَبْ لبّى

وذي بسهمُهْ رمى قلبي

حِبُّهْ أنا لِيْش باخَبّي

من ينكر الشمس في الأكـوان

ربّي يصونُهْ من العدوان