دنيا الأماني

شاذوبْ بين الـشجرْ في وسْط حدَّهْ وعـيش

وانافس الطير في الأعشاش من غير ريش

حسبي المحبة ويكفيني السكن في عَريشْ

غير الهوى والمحبهْ السلا ما يجيش

شاذوب بين الشجر بالحب من غير قوت

كالطير اغزو بألحاني جبال الـسكوت

شَمرحْ وشَسْجع على الأغصان مشتيش بيوت

شاوي الرواي واشرب من حليب الجهيش

زراعة الحب اسمى من زراعة جَربْ

وزرع جِرْبهْ بتخطـيطْ يحمي حالي الـشنبْ

من المعبأ بالاكياس أو بداخل عُلَبْ

فـازرعْ حبيبي المحبهْ والحبوبْ لانطـيش؟

يا ساقيهْ خبّريني عن رفيق المُنىَ

أيْ حين يسْمع لترنيمات قلبي هنا

الشوق في غفلة الحساد قد ضمنّا

أين المدملج أمانهْ مِن هنا ما خَطـيشْ

يا آية الحب في دنيا الأماني العذابْ

كيف املا الكأس من طلّ الغـصون

المُـذابْ

حدّهْ وبين الشجر فيها هوى السُّمر طابْ

من غيرها الحـب مهيا كمان ما شَشْتَريشْ