شي أمل والاّ نخاير
يا حبيبي شي أمل
لو تبادلني المشاعر
إنطلق خل الخجل
لا تخلّيني أعيش الحب في دنيا الخيال
لا تـصارحني كفايه لو تلمِّح في المقال
رمز مضمونه قبول
حب واتهني وكل من قال شي خلّه يقول
من مقل نجلاء سواحر
حاليه تقطر عسل
سهم جاء نحوي مباشر
واستقر في القلب حَل
بك شَبَك قلبي وصار العيش من دونك محال
صار وجداني معك وانته معي في كل حال
من عيوني ما تزول
حب واتهني وكل من قال شي خلّه يقول
فيـك صغت أغــلى جواهر
شِعر من أحلى الغزل
بك أباهي بك أفاخر
دائماً واضرب مَثَل
باللقاء بك تكتمل فرحتي ويهل الهلال
تصبح أيامي ربيعيَّة بقربك والليال
حب عمري به يطول
حب واتهني وكل من قال شي خلّه يقـول
لامتى يا ظبي نافر
من تماطل من مهل
رقّ وارحم قلب شاعر
كم من البعد احتمل
لاتطيل الصدّ والفرقة قرُب منِّي تعال
خلنا ذوِّب ثلوج البين في دفء الوصال
يوم تحقيق الوصول
حب واتهنى وكل من قال شي خلّه يقول