يافجر أرسل نسيمك
على ربوع الوطن
يزور محبوب قلبي
لحيث ماهو سكن
يخِبِّره كيف حالي
وكيف زاد الشجن
يا ما فؤادي تألمْ
على فراقه وحن
من يـوم فارقت خلّي
وانا ملازم خياله
والشوق ياما تعبني
وذقت حر اشتعاله
هاجت حنايا فؤادي
لمن كتب لي رساله
متى مروِّح؟ يقل لي
حير فؤادي سؤاله
ياحيرة القلب كُفِّـي
ما عاد في العقل حـيره
رسالة الخل تكفي
لها حواسي أسـيره
فيها ترانيم صوته
فيها شذى من عبـيره
وشفت رسمهْ عليها
مع شِفاتُه المُثيره
واحسست لمسات يَدّهْ
فيها دعابه وغيره
ياخل شديت رحـلي
خلاص قررت اسافر
ويسبق الـشوق قلبىي
ما عاد لي قلب صابر
ونبض قلبى يقولْ لي
لا زال للعهد ذاكر
وأنت يا خل مثلي
تمسى مع النجم سامر