صحيح الحب وأفراحه
وأنغامه وأزهاره
عرفنا طريقه كم مره
وغنينا لأنواره
وانت كمان دموعك جرحت خدين
رضينا بالفراق لكن
عذا الشوق مافيه له حد
وكنّا لّما نتقابل
نعيش دنيا وما فيها
بحب جديد.. بفرحة عيد
بنشوه.. كل يوم تزيد
تخلينا نعيش أحلى لياليها
وباسم الحب قلنا كلام
وعشنا للفرح أيام
وذوّ بنا كلامه كثير
بأجمل شوق لحب كبير
ولا قيتك حبيب روحي
كذا من كل شي بتْغِيْر
وبالغيره نغّير كل أيامنا
نبدّل كل أفراحنا.. بآهاتنا
نلاقي بعض مفترقين
ماندريش بس كذا على فين
أنا وحدي بطريق ماشي بدمع العين
أنا وحدي هنا أشكي
وانت هناك تتنهد
في يوم آلام تجمعنا
وفرحتنا اللّي تألمنا
ويوم الشوق بآهاته.. وأنّاته
يعيش بينّا.. يعذبنا..
وذي كانت نهايتنا
نهاية حب كان جنه.. وفيها عشنا فرحتنا..
نهاية حب طريقه كان نغم وشموع
ماندريش انه با يرجع ندم ودموع
ولا حتى خَطَرْ في البال نعيش للبين
لكن معليش .. ذا كان مكتوب لنا الإثنين
ولازم نحنا نرضى به
مادام للكون أحبابه
مادام في الدنيا يا روحي.. فراق وحنين