حبيب القلب يا باهي الجمالِ
أسيل الخد والعين الكحيله
حبيبي عاد شي تذكر ليالي
ليالي الأنس والعشره الطويله
وشي تذكر لجلساتك قبالي
ونحوي حبنا في كل ليله
وشي بالله تسأل كيف حالي
وخلك ياحبيبي شُوْ جِرِىْ له
أنا ماكـان شي يخطر ببالي
بأن الخل يحرم من خليله
نصيف الليـل إن زارك خيــالي
تذكر خل في حالة عليله
تذكرني واذكر ماجرى لي
تذكر انسنا ليله بليله
وذاك الوقت ذي قد كان حالي
وكلين مننا جوه صِفِي له
سفحنا الود لي قد كان غالي
سفحناه مثلما ماء المخيله
حبيبي جود وانعم بالوصـال
عسى ذا القلب يشفى من غليله
أنا مظلوم هل ترثى لحالي
لوجه الله تفعلها فضيله
ولو فكرت في واحد بدالي
فخلـك مامعه في اليـد حيلـه
سوى يذكر عهودك والليـالي
ويامن خان ذاك العهـد ويله