حامل الاثقال

ياحامل الاثقال

خفّفها شوى ذا حمل ماينشال

عاده نجد قدامك حُسُرْ وجبال

يا مصعب مناله

ابكي على الاطلال

واذكر واعتبر وُشْ حوّل الأحوال

وصحابي مضوا بعد الجفا ماطال

كلاً بعد حاله

هل عادني عالبال

او قدرني وبس في سلّة الإهمال

لا اخبار تبلغني ولا إرسال

وش حد الرساله

قلبي لهم ميّال

واعيوني عليهم دمعها سيّال

لا والله مهما قالوا العذّال

ما اصغي للمقاله

متى متى ينجال

هذا الغيم وتحط فوقنا الاسبال

نتلاقي محل ماتلتقى الاوعال

واشبال الغزاله

الصبر يارجّال

بكره تنفرج ويحلّها الحلاّل

والمقصود يتحقق مع الآمال

يا الله بالجماله