حالي واعنب رازقي

ياقلبي تسلّى على

ساجى الطرف ظبى الخلا

وانتي ياسحابة ابرقي

ياخلّى دلا بي دلا

كُلّكْ ياعيوني حلا

وُيْنَكْ ياعسلْ مَشرقي

خِلَكْ فى المحبّة حِنِبْ

وُيْنَكْ يالغُصَيْن الرّطِب

بالَكْ بُر هاجرْ نقى

يامشمشْ وذُوْل العنب

عذّبنى الهوى وين هِب

هات الماء بانستقى

قلبى قُلْت لك لا تحب

خافَكْ فى الهوى تنتهب

يحْلَى للهوى مالقى

ياعَمْبا مِشَيّمْ وتين

لَنْتِه فى المحبّة فطين

با ميعاد بانلتفى

حَيْدُهْ فى المحبّة زلِبْ

وُيْنَكْ وين وا مُسْتِلِب

لا رمحك ولا بندقى

ما فاد السَّلَبْ فى الهوى

ما يرْحَمْ ولالِهْ دوا

أيش أنذق وأيش أنتقي

ما با بَفْرُق الزَّين دوب

خَلّى القلب هذا يذوب

بَعْدَكْ وافرس عولقى

يا جُردان في جُبْح نوب

في معناك كُلَّكْ سُلُوب

يا نار الهوى حرّقى

عَرْف الندّ والعُود فاح

با سَمْرَة هُنا لا الصباح

با شلَّكْ على عاتقي

يا عينى من البعد آح

كُلَّك يافؤادى جراح

وانتى ارضى والا احنقى

ما با اقنعْ ولا با اتركَهْ

وايش همى من المعركَهْ

ما هَبْ لُهْ ولى ما بقى