جينا نحييكم ونسمر معاكم
أسعدالله مساكم ياجماعه
يالله بانسمر سوى في حماكم
ليت واحنا معاكم كل ساعه
كما الوفا للسلف واجب علينا
في العوايد فوايد قد وفينا
واحنا بعلم الخير والحال جينا
حال وافي وزايد قد لقينا
ان تسألونا عندنا علم وافي
كل ظاهر وخافي بانقوله
الحمدلله الأمور العوافي
والمطر جود كافي سال سيله
أول خير يا باقي الحال يذكر
نجم نيسان بكر بالمراوح
وكان مذرى خير في “النجم الاحمر”
مالنا أصبح أخضر زرع صالح
والحر في “قيظ السهام” شد واحرم
غير (مبكر) تكرم سلم الله
أما الخريف بالجود خصص وعمم
اكرم الله وانعم نحمد الله
نسأل الله لطفه والسلايم
واليوم “العلان” بالخير قادم
لا أبتلانا بآفه في الخواتم
ان يصرف الآفات والضر دايم
الله يكفينا “البرد والعواصف”
او “مخمن وطايف او مثمر”
من"المجارد"و"العسال"رب لاطف
وكشفه كل “كاشف” ربنا استر
و"البن"في الوديان ظفر بعدما ازهر
بعد حين يصبح احمر في عقوده
“وزرعنا والضرع"مافيه عليه شر
نحمده ما تزمجر من رعوده
ونقول خاطركم ويسعد مساكم
حالنا اليوم جاكم علم شافي
وحالكم وافي ونطلب دعاكم
انعم الله مساكم بالعوافي