جيت اتخبرك يا عامر
كيف الحال للي صابر
بايصبر زمانه كله
او للصبر ذا شي آخر
بعد الضيق قالوا تفرج
واللي قد صبر هو ظافر
وانا فاض صبري مني
مايرضى بظلمي كافر
عشنا في المحبة دفره
كان الحب بيننا طاهر
وكان الصدق هو ثالثنا
وكان البدر نوره ساحر
لكنه تركنا وليّ
خلانا مكاني ساهر
ماشي قد وصلني منّه
لا باطن ولا شي ظاهر
وانا له بعهدي باقي
لا والله مانا باير
لأني مــاأخون العشره
حتى لو زماني جاير
لو شي لي جنـاح باوصل له
ماباسير باوصل طاير
وان ماشي يبانا عنده
باوصل ضيف اوله زاير
أخاف الموت بايسبقنا
ياخذ حد ويترك آخر
ويضيع حبّنا في لحظه
شوف الدهر لعبه داير
وكيف باتشورنا ياعامر
شي صرفه معك للصابر
شي عندي غلط بالماضي
أوهو صاحبي ذي باير