جديده الوشـاره
قالوا توصل في المينا
وجدت البشاره
والله حقق أمانيا
عسى في خنونه
للناس شي زين يومه زين
عسى الله يعين الربان في غبة البحرين
عطونا إشاره
يا أهل السفاين وتكفينا
أن في أنتظاره
يأتي يِشِرّف مراسينا
يقصرين دونه
لي في الغبب كلهن يصرين
عسى الله يعين الربان في غبة البحرين
كفاية خساره
مابا نعود كما جينا
بغينا تجاره
من فَضْلُهُ الله يعطينا
ومن أحسن ظنونه
في الله يفـتح له البابين
عسى الله يعين الربان في غبة البحرين
وكم من قشاره
من فوقها قد تعدينا
وكم إنكـساره
فيها تعبنا وعانينا
طلبنا المعونه
مِنْ بَالْكَرَم باسط اليدين
عسى الله يعين الربان في غبة البحرين
عيوني سهارى
والشوق في الليل يبكينا
ترقب زياره
فيها حبيبي يواسينا
ويملي دنونه
واشرب من إيده ولو دنين
عسى الله يعني الربان في غبه البحرين