تليم الحب في قلبي
تذكرني بأيام الهثـيم
تذكرني دوادح حبنا
الغالي ودخداخ النسيم
حبيبِّي نفسي عليك ترجف
خايف على احلامنا لا تكسف
والعين من غالي الدموع تذرف
تشتي تسقِّي وردنا وتقطف
والقلب يذكر نظرتك ويحلف
انه لحسنك يا حبيب شعزف
تحاببنا وأهدينا الى الأرواح
زهرات الكعوب
غرسناهن وقطّفنا من الافراح
ذكرى لا تذوب
عصرناهن وأروينا ظما الأقـداح
ساعات الغروب
تشرَّحنا ودقينا مع الشراح
أجراس القلوب
تهنيتك وغنَّيتك غنا
انا المحروم من خمر الوجن
ومن بعد التلاقي والهنا
رمى بي الحب في بحر المحن
تهدى بي لأمواج الضنا
أخـذ قلبـي وسَـيَّب لي الـشجن
يقهِّدني ويسقيني المنى
عطش يجري بروحـي والبـدن
حُبيبِّي قلبي يحن حنينه
فرش دموعه وارتدف شجونه
غصنه ضمر وجرَّحين عيونه
ومن عذابه شيَّبين سنينه
والنوم من بعدك هجر جفونه
من إمِنَكْ ياحُب كيف تخونُهْ.