تعكّـت جم وزادت واستمرت في العكا
ولا قد فادت الشكوى ولا فاد البكا
مكانه الـراس واطي.. ولا شي بان شاطي
ولا حد رق لي ما غير دايم في تناهيس
حَكِيْت الـصدق قالوا لي غلط هـذا الحكا
لانا شفت بقعه دربكه في دربكه
انا ما نا بخاطي.. بقلبي جرح باطي
بغا دكتور يلحق جرح قلبي قبـل مَا يْخِيْس
حبيبي صكّ آذانه تسنّد واتكا
نوى تقطيع قلبي عالعيافه قد دكا
مخلينا احتياطي.. على سارح وساطي
يحرقنا يموسنا ولا نحتاج تمويس
ترى ما هي شطاره يا أهل ودّي أو ذكا
تخلون المحب في شطشطه في صكصكه
علام ذا التباطي.. رجا حِلّوا رباطي
أنا خايف تخلونا فريسه للأباليس
عسى شي صدق في الاقوال ما هو تكتكه
كفى ما عاد با نقبل كلام اللكلكه
تلحلح يالقباطي.. لحق خوك الحماطي
غلب راسي نعاشر ناس ما فيهم نواميس