أنا ظنيت ظن لكن خساره خاب ظني
أناظنيت إنك باتشل الحِمْل عنّي
تمنّيت المطر والسيل ما فاد التمنّي
صبرت أعوام في أعوام ضاق الصبر منّي
وبعد الصبر ذا كله
ظهر صاحبي عا أصله
مكانه ذاك ماغيّره طول الصبر والويل
زمام الأمر في يدّك قيادي
ترفّق بي هداك الله لاتجرح فؤادي
أنا طمعـان في وصلك عـسى إنـك بي تحـادي
أنا منّك وِلَكْ بس خلنا نهنا رقادي
انامقدر على الزقلـه
وحرّ الشمس في الرمله
فِقَهْ لا الأمر يفلت قبل تجني حبّة الهيل
برب الكون حلّفتك تنّور لي طريقي
ترجيتك بكل شي زين لاتشعل حريقي
بحق الود لي عشناه والحب الحقيقي
تخلينا كما ماكنت حافظ ع بريقي
بحق الدين والملّه
وبالقرآن والقبله
وبالميثاق والعهدا الذي صغناه في الليل
معك فرصه تدَارِكْها عِـِزمْ صفّي ضميرك
زُقُلْ بالغش من قلبك تحنن عا أسيرك
كفى من هجر واصلني مرادي شوف خيرك
وفي وقت الشدايد خلّنا دايم شويرك
أمورك باتقع سهله
ولاباتـشوف شي وحلـه
نجومك باتضاوي باتزل البرح وسهيل
رضينا بك صديق الأمس ولقيناك والي
علينا رغم إنّا من تكبّارك نصالي
وراك اليوم تهملنا بنا ما أنته مبالي
تشفّي حاسدي وتْسِيْبنا في شِعْب خالي
صحا لّما متى الغفله
قفل خزنتك بالطبله
دُرُكْ وقتك ترى صاحبك بايلوي لك الذيل