بَكّر غبش في الطّل والرشاشي
بكّر بكور قبل الطيور ماشي
حالي الوسط ململم الحواشي
أخضر من الله لا مطر ولا شي
على الـروابي تحت ظل الاشـجار
فوق المروج الخضر بـين الازهار
عند المراعي في ضفاف الانهار
رَبَا الهوى وشبّ في دمه نار
بَكّر فبش ساني القوام أهيف
لا طارح الخُنّه ولا مُـشرشف
يسبي القلوب بنظرته ويخطف
ساجي الرنا قلبي عليه رفرف
بَكّر وعاد الطير وسط الأعشاش
والفجر طالع بالـشعاع رشّاش
يمشي بخفه للنهود رعّاش
من خطوته فوق الـتراب أنقـاش
بَكّر وطل الـصبح ملء خده
وفرحة الأحلام فوق نهده
والحقل يفتش له طريّ ورده
وأنا وروحي والفؤاد بعده
أخضر تمخطر والنهار طالع
يقسِّم النشوه على المزارع
لفت وسلّم واستمر جازع
وداعتك وا حافظ الودايع