اهلا وسهلا

أهلاً وسهلاً بِمَنْ

لِهْ في الفؤادِ بستانْ

حيَّا مَلانَ المكانْ

يا قُرَّةَ الأعْيَانْ

ما احْلاَه وما احْلَى الوَرَشْ

قُمري صَغِيرْ فَتَّانْ

يِقْدِرْ يُطَفِّي العَطَشْ

يا قُدرةَ الرَحمنْ

إنْ غابَ أبقى قَلِقْ

هايمْ شَجِي ولْهانْ

والبَابْ حِين أسْمعه

أحْمِلْ صَلاَ الـدِّرْجَانْ

يِسْتَاهِلَ الرُّوحْ

والمُهْجَهْ رَفيع الــشَّانْ

قَوْلِه وفِعْلِه سَوَى

مابشْ كماهْ إِنسَانْ

أَهْواهْ وآه عليه

مِن كَثْرةِ الخِلاَّنْ

الحُسْنْ كُلِّهْ لَديه

ما فيه سَخا يِهْتانْ

أحْيانْ أشْكِي إليه

واحَذّرهْ أحْيَانْ

مِنْ ناسِ ما في اَبتْهُمْ

حُسْنْ أو إِحْسَان

والظّاهِرْ إنَّ الكلامْ

ماعَدْ يْفيدْ الآنْ

لأنَّ منْ شَبْ عَلى

شِي شَابْ عليه يا اخْـوآنْ

وازْكَى صَلاتِي عليكْ

يا مُنْتهَـى الإيْمانْ

ما الطَّيرْ غرَّدْ وما

غنَّى بَها فنَّانْ