ليت والله والايام ثواني
والسنة يوم والشهر ساعه
كنت شاصـبر عـلى من جفاني
يمكن ألقاه في ربع ساعه
انما من هويته أناني
يخلف الوعد في ظرف ساعه
كلما قلـت له زاد جناني
قال باجيك انا بعد ساعه
وانتظر له يشرف مكاني
بالأقل نجتمع نصف ساعه
فيجدد جفاه قصد عاني
ويخيب مرادي بساعه
يا حبيبي وبهجة زماني
كم سقاني هواك سم ساعه
خاف ربك وشوف ما أعاني
من أسى الهجر في كل ساعه
عاد الاحباب وحتى الشواني
يخشو الله ساعة بساعه
وانت كالبندق العـيلماني
تخور الموت لي قبل ساعه
ياحبيب انت احلى الأماني
وانت اعظم من المر ساعه
انصحك يالجميـل الـيماني
لا تعلق على اليد سـاعه