الهاشمي قـــــال: حن القلب حن
وانا حنيني مــــــــــــــع قلبي أنين
صادفت قمــري على (وادي تبن)
أقبل يِحّـرَّشْ عن يساري واليمين
يرطــن عليّه وانا اعرف ما رطن
كـــــــــــــــلام حـالي تكلم كلمتين
والله ما فــارقه طــــــــــول الزمن
ما ينتسي طـول عمري والسنين
نسيت فرضي من جمـاله والسنن
منّه يشيب الطفـل ذي عاده جنين
نسّع جعيــــــــده على امتانه سِيَن
واربــع نُقَش في خدوده والجبين
أوجــان بيضاء مثلما شخب اللبن
والصــدر بستان والقـامة حَسين
وبعــــــــــــد كلمته بكلمه مُحتَسنْ
وقــال: رُح لك على الله المعين
أنته لك الله ، وانا قـــــــل لي لمن
خــــــوّفتني والنـاس منك خايفين
من فقـــدكم حائر وكم فيني شجن
من اين تظهر لمعـروفك من اين
من منّكم با يــــــــداوي القلب من
أصـل الدواء ما هو من البنسلين
دواء المرض من خدوده والوجن
هـذي نصيحة من كتاب العاشقين