يحيى حسين قال يا مسكين باتفرج
وكل واحد معه في القلـب ما يكفيه
ومن معه بنت لاجا خاطبي زَوَّجْ
إذا قـد الـزوج يـشتيها وهي تشتيه
والبيع بالحق لا قد شي معه مخرج
والبيت شا يفـتح الباري وشا يبنيه
أعوذ بالله من إنسان يتلهج
ويعتقد إن زوج البنت شا يغنيه
زواجـة البنت لا عنـد الفقـير اخرج
يدرى بقدري وبنتي حسنها يرضـيه
شازوج البنت بالمسكين واتفرج
واسأل من الله مولى الكل أن يعطيه
ما يفعل المال؟ بنتـي يارجـال احـنج
وان جاء ولدها أشله عنـدنا وابزيه
ما يفعل البيت والديوان والمفرج
زَوَّج على الله والحال الـذي هـو فيه
قم زوج البنت لا تقلق ولا تحرج
وارجع إلى الله واللازم عليـك اديه
أهم حاجة يكن للخـاطبي منهج
والفحل هو فحل والأيـام عتربيه
مالي وإنسان يخطى في الطريق اعوج
فارح بنفسه ومتكبر ملانه تيه
ولو فرضنا درس في الطـب واتخرج
خرج لنفسه وحانب بالذى هو فيه
كم شخص خريج في ضـيقه بيتلـبَّجْ
قد فَلّـت أهله كـأن الامر لا يعنيه
أنا من النـاس واسـمي بيـنهم مدرج
وكل واحد معه مثلي ولو يخفيـه