مَحّد يجيب الخبر نفس الخبر
لازم يحطون للصافي غشر
وان كان شافوا سحب فوق القمر
فقعوا بطيرانهم ولقوا البطيل
الكذب والصدق من صنع البشر لكن لي يصنعون الصدق منهم قليل
ذلا سحب صيف ماتلقي مطر
وجهام كل ما طلع جلبوب مر
جو السماء ماتكدر واعتكر
والشعب ماشي وقع به والنقيل
الكذب والصدق من صنع البشر لكن لي يصنعون الصدق منهم قليل
من ينكره فجر صادق لاظهر
نوره فضح كل ماتحت الغدر
لكن محد يلومك يالعور
كُلاً سرح وانت في خط السبيل
الكذب والصدق من صنع البشر لكن لي يصنعون الصدق منهم قليل
النقش في الساج يصلح والحجر
مايصلح النقش في عود العشر
في المنجرة مايقبلوه النجر
وانه في النار مايشعل شعيل
الكذب والصدق من صنع البشر لكن لي يصنعون الصدق منهم قليل
كلين يعرف لتخطيط الستر
ياريت تخطيهم يرسم صور
ذلا تهاويل تخجل من عبر
لا نفع فيها ولا منظر جميل
الكذب والصدق من صيع البشر لكن لي يصنعون الصدق منهم قليل
نيرانكم عادها تلقى شرر
ودواكم الكي يابيت القور
مابا يناسب مع اهل الضبر
لي ولفوا الفحوسه بالنار جيل
الكذب والصدق من صنع البشر لكن لي يصنعون الصدق منهم قليل