ما بيننا شي علاقه ياناس ذلا دعايه
قالوا علينا حبايب وألفّوها حكايه
جابوا علينا كلام
في الهوى والغرام
والناس كلّ رواه
لو كنت أنا با أعشقه با أعشقه في البدايه
من قبل ما يعرفونه سكّان هذي الولايه
ما اليوم أصبح يقاول
عالسمر والمقايل
كل يخبخب وراه
ونا حبيبي معي واخلصت له للنهايه
واللي معه خلّ واحد في حياته كفايه
يملي حياته حنان
ويتبعه حيث كان
ويعيش عمره معاه
الله يصيب الشواني اهل الحسد والوشايه
لي قصدهم من ورا هذي الاشاعات غايه
با يحرموني حبيبي
اللي رضتيه نصيبي
واللي فؤادي هواه