الفقر ولى وراح

يا حَضْرَموت افْرَحِـي كُلّـين بالسِّرّ بـاحْ

واحيي اللّيـالي المـلاحْ

قُولُوا لِبنْ زَيْن شَلّ الجُوْهَرَهْ بـنْ صَلاحْ

والجِدّ ماهُو المِزاحْ

مِسْكين مِسْكيِن بُوْحَضْرَمْ تِغَـرّبْ وِسَاحْ

طاير ولا لُهْ جناحْ

بِتْرَولنا بايِجِيْ مااليُوم خَلّ الصَّياحْ

رِيْحُهْ في الأحقاَف فـاحْ

بِتْرَولنا لا ظَهُرْ با يِظْهَر إلا الـصَّلاحْ

علَى جَميع البِطَـاحْ

خَرْجُوا الذي بايجيبُونُهْ مِن اهـْل الكفـاحْ

رِجال قُوَةْ صِحاحْ

ياما صَبَرْنا لِبسَنْا الذَّلّ واللهْ وِشاحْ

سِنِين مَرّتْ شِحاحْ

والهُوْن ذُقْنَاه وِالغُرْبَهْ وكُلِّـين صَاحْ

وِلا لِقَـى شِي الـصِّياحْ