بات جفني ساهر الليل الطويل
والدموع الساخنة باتت تسيل
والضنى والاه والجسم النحيل
كل ذا يازين في شانك قليل
جل خالق من جماله أنعمــك
عذب في قولك وحالي مبسمك
والشقا والهون حـالف مغرمـك
وأنت في العليا ومن حبـك عليـل
كم يقولوا لي شعه بايخدعك
قلت أناوالله بعدك باتبعك
قط مافك معك والله معك
جور وإلا عدل مابا استقيل
ليلة بااسهر وبا أشقى بالنهار
قط مافي الحب يالمحبوب عار
يامنى روحي وكسبي والـضمار
ومن ودادك قط ما اتحلحل وميل
سهمك النفاث مايخطي يصيب
ما يخالف اوامر ياحبيب
وانت لا تخشى عواقب او رقيـب
عاد نار الحب تشعلها شعيل
راقب الرحمن يالمحبوب بس
تترك العدوان مالك والنحس
فوش ياما عاش قلبي نفس
ياخليل القلب يانعم الخليل
جود من رقك ومن عطفك وجود
من طيابه قلبك الصافي الودود
بس نزحانك وهجرك والصدود
جود ترغم العاذل الـواشي الـدخيل
لا تفرح عاذلي فيني ولا
تلهب القلب المولع ذي اغــتلا
شاع حبي بان ظاهر للملا
وانت لاتدري فديتك ياجميل
نهدك البارز يبرر موقفي
كم حكى لك كم باني لك وفي
والمباسم باتبين ماخفي
وكذا العينين والخد الأسـيل
قلهم هل يستحق هذا العذاب
فـوش ياما القلب مسمعته وذاب
ويقول لك نعم زدني عقاب
كم قضيت العمر خاضع لـك ذليل
مامعي شي عافية وانته بعيد
وين مانعهد من الشور الـسديد
ياسلا الخاطر وياروح العميد
عاشقك لازال في حبــك قتيــل
هات من كرم الحياة الصادقه
علها تشفي حياتي الزاهقه
كم لهاذي الـنفس عاشـت حارقـه
ترك حبي لك الوف المستحيل
والعواذل والحواسد والعدى
شورهم صبح هنا روَّح سدى
وقتهم كله وهم وسط الردى
مامعاهم لخير والله الوكيل
وانت يالمحبوب لك حريتـك
انت بعد الله لبي دعوتك
مالقلبي غير واسع رحمتك
مد لك مولاك بالعمر الطويل