عوّدتني عند ضيق الحال
أسمع كلامك يسلّيني
والقلب قد صار لـك ميّـال
والعين تهواك والنيّني
قد انتظرتك بطولة بال
من الليالي تخلّصني
حتى لقيتك وهمّي زال
يا ويلتك لو تجافيني
زاد التّجافي وهجرك طال
ونار بعدك تكّويني
وذبت من سِحرك القَتَّال
أرجوك بالوصل تحييني
يا صاحب الخال والخلخـال
قل لي على ما قدك تبني
قل لي وأنا جاوبـك في الحال
وإلاّ مرادك تجرّبني
وإن شي به أحّـد مـن العـذّال
قد كّلمك شي عـلى لِـسني
فـلا تـصدّق خبر مـن قـال
يكون إنسان أو جِنّي
أنت الخساره وراس المال
ومكسبي يا نظر عيني
واحنا كما الخيل والخيّال
وما جرى فيـك هو فيني
يكفي حناني ودمعك سال
هذا دليلي ويكفيني
ما زال عهدك معي أو زال
اسمع كلامي وجوّ بني