لي كان مَالُهْ وُجُود
فَجْأه تِحَدّى الحُدُود
وكَان رَافِضْ يِعُود
ويِبْتَعِدْ من حِنَيْش
عامٌ وعامٌ وعامْ
فيها عَلَنّا السّلامْ
وِمْعاهِدِه والتزامْ
ماتْضِيْع أبْداً حُنَيْش
نِقْدَرْ عـلى الاحتلال
نِوَاجِهُهْ بِالرِّجال
نِبْعِدْ خِبَاث العِمَال
في ساعَةٍ من حنيش
لَكِنْ لَنا رأينا
في قَهْر أَعداءنا
في كُلّ ما صَابنا
مِنْ قَبْل أزْمَةْ حنـيش
نِحْنَ احترمنا القِيَمْ
صَبَرْنا عالغَـْـدر جَمْ
وَيَاعَرَبْ يا عَجَمْ
مَعْنا ثِقَهْ في حنيش
وُفُود وِمْفاوِضَات
جَلْسات ومحادَثات
اللهْ عَطَانا الثَّبات
الحَقْ لنا في حنيش
بِعَزْمنا أقوياء
لَحِقِّنا أوْفِياء
بفِكْرَنا شَعْ ضِـياء
نَوَّرْ جَزِيْرَةْ حنيش
سَاعَدْ مَعَانا القَدَرْ
تَحْكِـيم دَوْلي صَدَرْ
بالعَـْدل حُكْمُهْ بَدَرْ
أنْهـى قَضَيَّة حنيش
هَنُّـوا الـرَّئيس الزَّعيم
هنُّوا سِـياسِيْ حكـيم
هنُّوا لِعَبْـدِالكريم
في يُوْم عُوْدَةْ حنيش
هَنُّوا لشَعْبِ اليَمَنْ
قَهَرْ ظُرُوف الـزَّمَنْ
دَفَعْ خُصُومُهْ ثَمَنْ
لما اعْتَـدُوا عا حنيش
الشَّعب في كُلِّ دار
مَسْرُور بالانتِصار
وَعُوْدَة الاعْتِبار
حِـيْن اسْتَلَمْنا حنيش