الحكايهْ مِنَ البدايهْ إلى النهايهْ
تذكروها؟ أيْوَهْ.. نذكرها الحكايهْ
كانَ زمانْ قبل ١٤ أكتوبر وقبل الانفجارْ
كانَ هناكْ الشعب واعي للحكايهْ في انتظارْ
انتظار اليوم يوم الانتصارْ
تذكروا أيَّامْ بلَدْنا لما
كانت قبل ذا مُستَعْمَرهْ
والأجانبْ كانوا فيها
والفساد والمسخرهْ
تذكروها؟ أيْوَهْ نذكرها الحكايه
كُنَّا فيها مغلوبينْ
يحكمُونا الطامعينْ
واللي قالْ مَاكَنْشْ كاذبْ
لمَّا قال إنَّ الأجانبْ
فرقوا ما بيننا
نهبوا خيراتنا
كان مقدّر إننا
يحكمونا الآخرينْ
إنَّما كلّ الحكايهْ مشْ كذا
والنضال ماكّنْشْ ضايع أو سُدا
كان هناك الشعب في أرض المعاركْ
كان معانا الله ينصرنا ويباركْ
واستطعنا بالكفاحْ
والعزيمهْ والسلاحْ
نقهر الأعدا بالإيمانْ
نمحي عارنا
بعد ما أصبحنا نشعرْ
أنَّ ذا مِنْ حقّنا
والقنابل والرصاصْ
نَوَّروا دربَ الخلاصْ
يامَا راحوا مِنَّنا
اكثرْ مِن عزيزْ
وانتهى الماضى
وراحْ الانجليزْ
وانتصرنا وانتصرنا
وابْتَدينا بعدَ ذا نبني الوطنْ
بالعَمل وحده ونتحدى الزمنْ
الموارد مِشْ قليلهْ
والأراضى مِشْ بخيلهْ
بالعملْ نقدرْ نعيشْ
والأملْ ما ينتهيش
بالشباب بكلّ واحدْ
عنده هِمِّهْ عندُهْ ساعدْ
عندُهْ إخلاصْ للوطنْ
المُهمْ مُشْ بَسْ ذا
المهمّ انَّ العِدا
كلَّهم مُتْربِّصينْ
كلهمْ متصوريينْ
إنَّ هذا الشعبْ
لابُدْ مايلين
ويحسبوا الشعب
اللي كافح بايلين
مستحيل في يومْ نخضعْ
لا ولا في يومْ نركعْ
شعبى أقوَى من
كذا ياطمامعينْ
وانتهت كل الحكايه
مِن البدايهْ للنهايهْ
اذكروها سجلوها
واحفظوها للنهايهْ