من أول يوم أنا هايم
أفسِّر برجك الطالع
لا صاحي ولا نايم
وأفكاري بتتصارع
وقلبي للقا حالم
ودقّاته بتتسارع
ولّما جيت لك عازم
خطى الأقدام تتراجع
رسولي شوقي الزايد
بعثته لك مع الأشواق
وردّك لي هو الشاهد
على حبي من الأعماق
فيا من أنت بتعاند
وروحك للقا توّاق
جمرك لا يصير بارد
ولا يزداد له الإحراق
كلامك قَـال لي اتعمّق
بنغمة صوت تسكرني
وحسنك سحر يتدفق
يذوبني ويفْتِنِّي
أنا خوفي بك أتعلّق
تجرجرني وتغويني
توصّلني إلى المخنق
وتتركني وتنساني
أنا لك يا حبيب هـاوي
وحبك شغلي الشاغل
ولو سميتني غاوي
ما به لوم أنا أستاهل
فحبك صار لي حـاوي
وعقلي في هواك مايل
فواصـلني وجـي داوي
تشفي جسمي الناحل
مرادي لو تجي وحدك
وتعرف ياحبيـب قدري
وتوزن يا ضناحبك
بنفسك يا سلا عمري
وعقد الحـب ما يفتك
ولاحد يطّلع سري
أو إلاّ فك لي سحرك
أروح لي واستضي عمري