موسوعة الغناء اليمني تجريبي

اشتي اسافر بلاد

اشتي اسافر بلاد ما تعرف الا الحب

العيش فيها وداد والبعد فيها طال

اين شلاقي بلاد ما تعرف الا الحب؟

اشتي اسافر انا .. اشتي اسافر

ليل المفارق طويل ويا تعب حالي

لو قلت شا اشكي لمن من كيد عذالي

ياعين كُفي الدموع مال للضنا ومالي

اشتي اسافر انا .. اشتي اسافر

يا قلب ما يكلفك ترضى بتعذيبي

كَفكِف دموع الاسى يكفي الذي في بي

الصبر كم شا يكون من هجر محبوبي

اشتي اسافر انا .. اشتي اسافر

العُمر ولى سُدى قهري على ايامي

ايش بايفيد الشُكى

ضامي الفؤاد ضامي

ياليت عمر الهوى يرجع لاحلامي

اشتي اسافر انا .. اشتي اسافر

شا افِرد جِناحي على قلبي وشا اتغرب

اين المحبه وفاء جَمعة مع الاحباب

لا عاد شا اندم ولا شابكي على ما غاب

اشتي اسافر انا .. اشتي اسافر

مساهمة بواسطة [Amr]
أضيفت بتاريخ 24/7/2022
أرشيف اليمن مبادرة غير ربحية بواسطة لؤي أمين
موسوعة الغناء اليمني بدعم من عمرو العامري، عرفات مصلح، غاطس بامسلم وآخرون..

شارك الصفحة: