نوشه ورا نوشه
وياكم باتنوش
الدوم ما يشبع وسيعين الكروش
لي غلقوا في الشحر مطعم باحميش
كلين شل جوشه
وانته شل جوش
ما حد خذا حصتك وأسرع لا تكوش
ما ادري طلع مطحون قرصك أو جريش
حقك ورح هوشه
إذا تقدر تهوش
قع وحش لا حليت ما بين الوحوش
عدى زمان الشرح وزمان النعيش
وليش بالدوشه
تحمل فوق دوش
ذا حمل ما هو صم ذلا حمل عوش
لا قدك عايش أنت خل غيرك يعيش
الدار مفروشه
ومرشوشه رشوش
لكن حواليها العقارب والحنوش
أنا ما اسكنها خير لي منها عريش