يا أهل الطويلة علينا يدكم طائله
ورماحكم فاتكة وسهامكم قاتله
حتى الظباء عندكم تمشي وهـي جافلـه
والريم ما ينقنص ويكابرين الوعول
ما يدرك الصيد إلا كل من سار له
من سار واصطاد شي في الـشعب يـستاهله
ماشي يجي بالكلام الكـذب والقذولـه
لي مامعه مقدرة يسكت يخلّي الفضول
مريت بالساقية ولحقتها باقله
منظر يهيض وتربه للعمل قابله
أما البساتين كل بستان فوقه هله
دايم من البير يسقونه وماء السيول
وعادكم من نويفه زاحيه كامله
وِخْيَالها عالـسعف من كبر هن عاطله
تظلني من شموس الهجر والقايله
وأثمارها يشفي العلة ويطفي الكلـول