لا تحسبوني من هوى الزين باتوب
وانا اللي يوم أحبه زياده
عيونه اللي كلما اشوفها أذوب
هو ماخذٍ في وسط قلبي السياده
أسأل عليه الشمس أوقات الغروب
وأما القمر ما يخفى عني وداده
هذا حبيبي غايتي عز مطلوب
مهما يعاندني أنا أقبل عناده
شباكه لي دائم على الدرب منصوب
وإن غاب عني ما تحمل بعاده
على جبيني حبه الزين مكتوب
وأحب من حبه أنا أهله وبلاده
حد في الهوا غالي وحد فيمه مغلوب
مافي المحبة حد يمسك حياده